Məleykə Əsədova yayılan şəklindən danışdı: "Gedin ailənizlə məşğul olun" - FOTO

Bir neçə gündür sosial şəbəkələrdə xalq artisti Məleykə Əsədovanın illər öncə çəkilmiş fotosu yayılıb. Fotodan aydın görünür ki, aktrisa bu illər ərzində müxtəlif əməliyyatlar keçirərək, xarici görünüşündə dəyişiklik edib. Fotoya şərh yazanların bəziləri şəkildəki xanımın Məleykə Əsədova olduğuna inanmadıqlarını, bəziləri isə əksini yazıblar. Aktrisanın gözəlliyini vurğulayanlar da olub.

 

Ailem.az-ın məlumatına görə, bu gün Məleykə Əsədova şəxsi instagram hesabında bunları yazıb: “Bu gün Elçin Əfəndiyevin “Cəhənnəm sakinləri” tamaşasının ilk baxışı oldu. Tamaşanın resjissorunu və aktyor yoldaşlarımı, təbii ki, özümü təbrik edirəm. Tamaşa haqqında eşitdiyim xoş sözlər məni məmnun etdi. Bəli, bu gün səhnədə çox çətin, məsuliyyətli obraza imza atdım. Sevinənlər daha çoxdur. Amma sevinməyənlər, qısqananlar isə neçə gündür əl-ayaqdadırlar”

 

O, fotolarını eybəcər hala salaraq paylaşan şəxslərə müraciət edib: “Şəkillərimi eybəcər hala salıb sosial şəbəkədə yayırlar. Bəzi saytlar, sənəti olmayan dırnaqarası jurnalistlər reytinq toplamaq xatirinə düzəldilmiş şəkilləri yaymaqla məşğul olurlar. Mənim şans yollarımı, istedadımı Allah verib. Allaha qarşı gələn insanlara elə Allah qənim olsun. Bunları edən insanlar təbii ki, varlığımı, istedadımı çəkə bilməyənlərdir. Ay yazıqlar, gözəllik qalıcı deyil, gedir. Amma insani keyfiyyətlərimizi itirməyək. Bu gözəl ayda dualar edin ki, sizin də üzünüzə nur gəlsin. Hər uğur qazandığım zaman mənə qarşı edilən çirkin taktikalara öyrənmişəm.

 

Yazıqlar olsun, çox təəssüf! Bu hərəkəti edən insanlara gülürəm. Onlara demək istəyirəm ki, mən varam! Bu gün çətin bir obrazı oynadım. Siz etdiyiniz hərəkətlə məni ruhdan salmaq istədiz, amma əksinə, ruhlandım. Səhnədə alqışlar və gözəl fikirlər mükafatım oldu. Gedin həyatınızla, ailənizlə məşğul olun. Yaxşılıq edə bilmirsinizsə, pislik etməyin, paxıllıqdan uzaq olun. Həyatı sevin, Allahı sevin, onda görəcəksiz ki, yaşınız keçdikcə gözəlləşəcəksiz!”. 

 

LENT

27 İyul 2017
26 İyul 2017
25 İyul 2017
24 İyul 2017
22 İyul 2017