Hamı bu uşağın tanrı olduğuna inanır - FOTO

Hindistanın əyalətlərindən birində doğulan 8 yaşlı uşağın ünü hər yerə yayılıb. Belə ki, uşağın belindəki uzun tükü görənlər onun tanrı olduğuna inanır və hörmət edirlər.

 

Ailem.az-ın xarici mediaya istinadən məlumatına görə, yerli xalq Dulha Singh adlı uşağın meymun tanrısı Hanumanın təcəssümü olduğuna inanır. Dulha belində tüklə doğulub. Tüklər zamanla uzanıb quyruq formasına düşüb. Uşağın ailəsi pis şans gətirəcəyinə inandığı üçün tükləri kəsmək fikrində deyil.

 

Dulhanın əmisi Sahib Singh bunu belə izah edib: “Bir dəfə anası quyruğu kəsmək istədi, amma kəsə bilmədən öldü. O gündən bəri quyruğu kəsməməyə qərar verdik. Uşağa da gözüm kimi baxıb qoruyuram”.

 

Ətraf kəndlərdən olan əhali uşağı görmək üçün həmin əyalətə gəlir və Dulhaya dua edir. Yalnız quyruğuna toxunub duasını almaq üçün kilometrlərlə uzaqlıqdan ziyarətə gələnlər olur. Çünki onun meymun tanrısı Hanuman Ji kimi olduğuna inanırlar.

 

Dulha isə özünü tanrı olaraq görməsə də, quyruğunun ona tanrının bir hədiyyəsi olduğuna inanır və kəsmək istəmir.

 

 

 

 

LENT

23 Sentyabr 2017
22 Sentyabr 2017
21 Sentyabr 2017
20 Sentyabr 2017
19 Sentyabr 2017