Çiçək: "Tunarla nişanlananda 18 yaşım vardı"

“Çiçək” ləqəbli aparıcı Şəhla Vakkas “Hər şey daxil” proqramında keçmiş nişanlısı, müğənni Tunar Rəhmanoğlu barədə danışıb. 

 

Ailem.az “qafqazinfo”-ya istinadən xəbər verir ki, o, sənətçi ilə ayrılmağından 17 il keçdiyini bildirib: "Tunarla nişanlı olanda 18 yaşım var idi. 7 aydan artıq nişanlı qalmadıq və ayrıldıq. Günel  verilişimə gələndə tanış olmuşduq. Tunarın mənə olan sevgisinə “Məcnun sevgisi” deyilirdi.

Ailə həyatı qurdum, 9 yaşında oğlum var. Tunarın indiyə qədər evlənməməsi ən çox anamı kədərləndirirdi. Xahiş edirəm, imkan verin o da ailə həyatı qursun. Özümü onun nişanlısının yerinə qoyuram, xoş deyil. Gözəl bir xanımla nişanlanıb. Ən xoş günündə belə nişanlısının adının yanına Çiçək yazılması yaxşı deyil”.

 

Müğənni T. Rəhmanoğlu da “Çiçək”in açıqlamasına münasibət bildirib.  O, xəbəri paylaşan səhifələrdən birinə şərh yazıb: “Çox gərəksiz. Vaxtım yoxdur mənasız, yersiz söhbətlərdə baş xəbər olmağa… Şişirdəcək bir şey yoxdur. Məcnun, Romeonun ruhuna fatiha! Amma mən onları ancaq filmlərdən tanıyıram”. 

 

LENT

23 Aprel 2018
21 Aprel 2018
20 Aprel 2018
19 Aprel 2018
18 Aprel 2018
17 Aprel 2018