Orqanizmi gücləndirir, cinsi həvəsi artırır... - GİCİTKƏNİN FAYDALARI

Gicitkən A, E, C, K vitaminləri, dəmir, maqnezium, mis, kalsium mineralları, flavonoidlər, orqanik turşular, fitonsidlər, xlorofill, qlikozid və s. faydalı maddələrlə zəngindir.  

 

Ailem.az saglamolun.az-a istinadən xəbər verir ki, gicitkən orqanizmi möhkəmləndirir, onu lazım olan vitaminlərlə təmin edir, vitamin çatışmazlığı zamanı faydalıdır.

 

Gicitkən orqanizmdə gedən mübadilə prosesləri və immun sistemini stimullaşdırır, xroniki xəstəliklər zamanı orqanizmin müdafiəsini gücləndirir.

 

Gicitkəndə olan xlorofill orqanizmə güclü stimullaşdırıcı və tonuslaşdırıcı təsir edir, yara və xoraların sağalmasını tezləşdirir.

 

Gicitkən qadın sağlamlığı üçün də faydalıdır. Güclü menstrual qanaxmaların, klimaks zamanı qanaxmaların qarşısını alır, uşaqlığın tonusunu qaldırır. Lakin hamiləlik zamanı gicitkən ziyanlıdır ki, doğuşu tezləşdirə və ya dölsalmaya səbəb ola bilər.

 

Gicitkən qanda şəkərin səviyyəsini aşağı salır və bu səbəbdən diabet xəstələri üçün faydalıdır.

 

Babasil zamanı gicitkən dəmləməsi ilə oturaq vannaları çox yaxşı müalicəvi və profilaktik təsir edir.

 

Gicitkən kişilərdə prostat vəzinin toxumasını bərpa etmək, cinsi meyli artırmaq xüsusiyyətlərə malikdir.

 

Gicitkən saçlara çox yaxşı təsir edir, saçlara parlaqlıq verir, kəpəyi aradan qaldırır.

 

Tromboflebit, yüksək təzyiq, qatı qan, hamiləlik zamanı gicitkən əks göstəriş sayılır. 

 

LENT

04 May 2018
03 May 2018
02 May 2018
01 May 2018
30 Aprel 2018
28 Aprel 2018